ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᓄᓇᕗᒻᒥ ᐱᕙᓪᓕᐊᑎᑦᓯᔪᒪᔪᖃᖅᑎᓪᓗᒍ ᖃᐅᔨᓴᖅᑎᐅᔪᑦ ᑲᑎᒪᔨᖏᑦᑕ ᑭᖑᓪᓕᖅᐹᒥ ᑐᓴᕋᓱᐊᕐᓂᖓᑦ ᐹᕕᓐᓛᓐ ᓴᕕᔭᕋᒃᔭᓴᓂᒃ ᐊᔭᕋᓐᓂᐊᕐᕖᑦ ᑯᐊᐳᕇᓴᓐᑯᑦ ᓄᓘᔮᓐᓂ ᐱᓕᕆᐊᖓᑦ ᓇᐃᓈᖅᓯᔾᔪᑎᒃᑯᑦ ᓴᖅᑭᑎᑦᑎᓂᖅ - ᔪᓚᐃ 2012
ᖃᐅᔨᒋᐊᕈᑎ ᓴᖅᑭᑎᑦᑎᓂᕐᒥᒃ • ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᖃᑕᐅᓂᖓᑦ ᖃᐅᔨᒋᐊᒃᑲᓂᖅᐸᓪᓕᐊᔾᔪᓯᕐᒧᑦ • ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᓇᓱᐊᖅᑕᒃᓴᖓᑦ
• ᐱᒻᒪᕆᐅᓂᖏᑦ ᓴᖅᑭᖅᓯᒪᔪᑦ ᐃᓕᖓᔪᑦ ᐃᖏᕐᕋᔾᔪᑎᓕᕆᔨᒃᑯᓐᓄᑦ ᑲᓇᑕᒥ − ᐃᒫᒍᑦ ᐃᖏᕐᕋᔾᔪᑎᓄᑦ ᐊᑦᑕᓇᖅᑐᓕᕆᓂᖅ
– ᐃᒫᒍᑦ ᐃᖏᕐᕋᔾᔪᑎᑦ ᐸᓚᐃᖅᓯᒪᓂᖏᑦ
– ᓄᓇᓯᐅᑎᑯᑖᒃᑯᑦ ᐃᖏᕐᕋᔾᔪᑎᓄᑦ ᐊᑦᑕᓇᖅᑐᓕᕆᓂᖅ – ᐅᓯᑲᖅᑕᖅᑕᐅᓂᖏᑦ ᐊᑦᑕᓇᖅᑐᑦ ᐱᖁᑎᑦ
– ᖃᖓᑕᓲᓄᑦ ᐊᑦᑕᓇᖅᑐᓕᕆᓂᖅ
• ᓇᐃᓈᖅᓯᔾᔪᑎ ᐊᑐᓕᖁᔭᐅᔪᓂᒃ
2
ᐱᖃᑕᐅᓂᖅ ᓄᓇᕗᒻᒥ ᐱᕙᓪᓕᐊᑎᑦᓯᔪᒪᔪᖃᖅᑎᓪᓗᒍ ᖃᐅᔨᓴᖅᑎᐅᔪᑦ ᑲᑎᒪᔨᖏᑦᑕ ᖃᐅᔨᒋᐊᒃᑲᓂᕐᓂᖓᓐᓄᑦ
• ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᓇᓗᓇᐃᖅᓯᓯᒪᕗᑦ ᑲᒪᒋᔭᖃᕆᐊᖃᕐᓂᕐᒥᓐᓂᒃ ᐱᔪᓐᓇᖅᓯᑎᑦᑎᓂᕐᒧᑦ ᐅᕝᕙᓘᓐᓃᑦ ᖃᐅᔨᒪᓇᓱᐊᕐᓂᕐᒧᑦ ᒪᓕᒃᑕᐅᓂᖏᓐᓂᒃ ᐃᓚᖏᑕ ᐱᓕᕆᐊᖑᔫᑉ ᒪᓕᓪᓗᒋᑦ ᑕᒪᐃᑕ ᐃᓕᖓᔪᓐᓇᖅᑐᑦ ᐱᖁᔭᐃᑦ ᐊᒻᒪ ᒪᓕᒐᐃᑦ. • ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᑕᖃᖅᑎᑦᑎᕙᓚᐅᖅᐳᑦ ᖃᐅᔨᒪᔨᑕᒻᒪᕆᓐᓂᑦ ᑐᑭᓯᒋᐊᕈᑎᒃᓴᓂᒃ ᐊᒻᒪ ᖃᐅᔨᒪᔪᒻᒪᕆᓐᓂᑦ ᐅᖃᐅᔾᔨᒋᐊᕈᑎᓂᒃ ᓄᓇᕗᒻᒥ ᐱᕙᓪᓕᐊᑎᑦᓯᔪᒪᔪᖃᖅᑎᓪᓗᒍ ᖃᐅᔨᓴᖅᑎᐅᔪᑦ ᑲᑎᒪᔨᖏᓐᓄᑦ ᑎᑎᕋᖅᓯᒪᔪᒃᑯᑦ ᑐᓂᔭᒃᑯᑦ ᐊᒻᒪ ᓴᓇᑐᔭᕆᐊᑐᔪᓂᒃ ᑲᑎᒪᔾᔪᑎᖃᕐᓂᒃᑯᑦ.
3
ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᓇᓱᐊᖅᑕᒃᓴᖓᑦ • ᓴᖅᑭᔮᖅᑎᑦᑎᓇᓱᐊᕈᒪᕗᑦ ᑲᑎᓐᖓᐅᕈᑕᐅᔪᒥᒃ ᐃᖏᕐᕋᔾᔪᑎᓕᕆᔾᔪᒥᒃ ᐊᑦᑕᓇᓐᖏᑦᑐᒥᒃ, ᐸᓚᐃᖅᓯᒪᔪᒥᒃ, ᐱᐊᓚᔪᒥᒃ, ᐊᒻᒪ ᐊᕙᑎᒥᒃ ᑲᒪᑦᑎᐊᕐᓂᖃᖅᑐᒥᒃ. • ᑲᒪᒋᔭᖃᖅᐳᑦ ᐃᖏᕐᕋᔾᔪᑎᓄᑦ ᐱᖁᔭᓂᒃ, ᐊᑐᐊᒐᕐᓂᒃ ᐊᒻᒪ ᐱᓕᕆᔾᔪᑎᓂᒃ. • ᐱᖁᔭᓕᐅᕈᑎᖃᓲᖑᕗᑦ ᐃᓕᖓᔪᓂᒃ ᐅᓯᑲᖅᑕᕐᓂᒃᑯᑦ ᐊᐅᓚᔪᓐᓇᐅᑎᓂᒃ, ᓱᓇᒃᑯᑖᓂᒃ ᐊᒻᒪ ᐃᖅᑲᓇᐃᔭᖅᑎᓂᒃ ᒪᓕᒃᑐᒋᑦ ᐱᖁᔭᐃᑦ ᐊᒻᒪ ᒪᓕᒐᐃᑦ ᐃᓗᐊᓂ ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᓇᓱᐊᖅᑕᒃᓴᖓᑦᑕ.
4
ᐃᒫᒍᑦ ᐃᖏᕐᕋᔾᔪᑎᓄᑦ ᐊᑦᑕᓇᖅᑐᓕᕆᓂᖅ • ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᓇᓗᓇᐃᖅᓯᓚᐅᖅᐳᖅ ᐃᒫᒍᑦ ᐃᖏᕐᕋᔾᔪᑎᓂᒃ ᐱᖁᔭᓕᐅᕈᑎᖃᕐᓂᕐᒧᑦ ᐱᓕᕆᔾᔪᑎᓂᒃ ᐃᓕᖓᑦᑎᐊᖅᑐᓂᒃ ᐱᓕᕆᐊᖑᔪᒧᑦ, ᐊᒻᒪ ᓇᓗᓇᐃᕆᐊᖅᓯᓪᓗᑎᒃ ᐱᓇᓱᐊᕈᒪᔫᑉ ᑲᒪᒋᔭᐅᔭᕆᐊᖃᖅᑕᖏᓐᓂᒃ ᐱᔪᓐᓇᖅᓯᓇᓱᓪᓗᒋᑦ ᑖᒃᑯᐊ ᐱᖁᔭᓕᐅᕈᑎᖃᕐᓂᒃᑯᑦ ᐱᔭᕆᐊᖃᖅᑎᑕᐅᔪᑦ. • ᑖᒃᑯᐊ ᐃᓚᖃᖅᐳᑦ ᐱᓕᕆᔾᔪᑎᓂᒃ ᐃᓕᖓᔪᓂᒃ ᒪᑯᓄᖓ ᐅᒥᐊᕐᒥ ᐊᑦᑕᓇᖅᑐᓕᕆᓂᖅ, ᐸᓚᐃᖅᓯᒪᓂᖅ, ᓱᕈᑦᑕᐃᓕᑎᑦᑎᓂᖅ, ᓱᕈᕐᓇᖅᑐᓂᒃ ᐱᓕᕆᐊᖃᕐᓂᖅ, ᐃᒫᓂ ᐊᑭᓖᔭᕆᐊᖃᕐᓂᖅ ᐊᒻᒪ ᑕᐅᖅᓯᖅᑕᐅᓂᖅ, ᐊᒻᒪ ᐃᖏᕐᕋᕕᒃᓴᐅᔪᑦ ᐃᒪᐃᑦ.
5
ᐃᒫᒍᑦ ᐃᖏᕐᕋᔾᔪᑎᑦ ᐸᓚᐃᖅᓯᒪᓂᖏᑦ • ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᑲᒪᒋᔭᖃᖅᐳᑦ ᐱᓕᖅᐸᓪᓕᐊᔪᓂᒃ ᓴᐳᔾᔭᐅᓯᒪᔭᕆᐊᖃᕐᓂᖏᓐᓂᒃ ᑲᓇᑕᐅᑉ ᐃᒫᓂ ᐃᖏᕐᕋᔾᔪᑎᓕᕆᔾᔪᑎᖏᑕ ᒪᑯᓇᓐᖓᑦ ᒪᓕᒐᕐᒥᒃ ᓯᖁᒥᑦᑎᓗᓂ ᐅᓚᕕᓴᐃᓂᖅ, ᓯᕗᕋᓵᕆᔪᓄᑦ ᐅᓇᑕᖅᑕᐅᓂᖅ, ᐸᓚᐃᖅᓯᒪᔪᑦ ᐊᑦᑕᓇᖅᑐᒦᑎᑕᐅᓂᖏᑕ ᐊᒻᒪ ᐃᑲᔪᕋᓱᓪᓗᒋᑦ ᓴᓇᔪᓕᕆᔪᑦ ᒪᓕᒍᓐᓇᖅᓯᖁᓪᓗᒋᑦ ᐃᒫᓂ ᐸᓚᐃᖅᓯᒪᓂᕐᒧᑦ ᐱᖁᔭᓂᒃ ᐊᒻᒪ ᒪᓕᒐᕐᓂᒃ ᐃᓕᖓᔪᓂᒃ ᓇᓗᓇᐃᒃᑯᑕᖅᑖᕐᓂᕐᒧᑦ ᐊᒻᒪ ᖃᐅᔨᓴᒋᐊᖅᑕᐅᓂᖏᓐᓄᑦ ᐅᒥᐊᑦ, ᑐᓚᕝᕖᑦ ᐊᒻᒪ ᐃᒫᓂ ᐱᓕᕆᕖᑦ. • ᐃᒫᒍᑦ ᐃᖏᕐᕋᔾᔪᑎᓄᑦ ᐸᓚᐃᖅᓯᒪᓂᕐᒧᑦ ᒪᓕᒐᖅ ᐃᓕᖓᕗᖅ ᐅᒥᐊᓄᑦ ᐊᒻᒪ ᐃᒫᓂ ᐱᓕᕆᕕᓐᓄᑦ ᑲᓇᑕᒥ, ᑲᓇᑕᒥᐅᑕᓄᑦ ᐅᒥᐊᕐᔪᐊᓄᑦ ᓯᓚᑖᓃᑦᑐᓄᑦ ᑲᓇᑕᐅᑉ ᐊᒻᒪ ᐃᒫᓂ ᐋᖅᑭᓱᖅᑕᐅᓯᒪᔪᑦ.
6
ᓄᓇᓯᐅᑎᑯᑖᓄᑦ ᐃᖏᕐᕋᔾᔪᑎᓄᑦ ᐊᑦᑕᓇᖅᑐᓕᕆᓂᖅ •
ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᓕᕆᖃᑦᑕᖅᐳᑦ ᐱᕙᓪᓕᐊᑎᑦᑎᓇᓱᐊᖅᓱᑎᒃ ᐊᑦᑕᓇᓐᖏᑦᑐᓂᒃ ᐊᒻᒪ ᐱᐊᓚᔪᓂᒃ ᓄᓇᓕᕐᔪᐊᕐᒥ ᓄᓇᓯᐅᑎᑯᑖᓂᒃ ᐃᖏᕐᕋᔾᔪᑎᓂᒃ ᒪᑯᑎᒎᓇ ᐱᖁᔭᐃᑦ, ᐃᓚᐅᑎᑦᑎᓇᓱᐊᕐᓂᖅ ᐊᒻᒪ ᓇᐅᑦᑎᓱᕐᓂᖅ.
•
ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᑲᒪᒋᔭᖃᖅᐳᑦ ᐱᕙᓪᓕᐊᑎᑦᑎᓂᕐᒥᒃ ᐊᒻᒪ ᐊᑐᓕᖅᑎᑦᑎᓂᕐᒥᒃ ᐊᑐᐊᒐᕐᓂᒃ, ᐱᖁᔭᐃᓂᒃ ᐊᒻᒪ ᐱᔨᑦᑎᕋᐅᑎᓂᒃ, ᐊᒻᒪᓗᑦᑕᐅᖅ ᑕᒪᐃᑎᒍᑦ ᐊᐅᓚᑎᑕᐅᓂᖓᓂᒃ ᓄᓇᓯᐅᑎᑯᑖᑦ ᐊᖅᑯᑎᖏᓐᓄᑦ ᐊᑦᑕᓇᖅᑐᓕᕆᓂᕐᒧᑦ ᒪᓕᒐᐅᑉ. ᐃᖏᕐᕋᔾᔪᑎᓕᕆᔨᒃᑯᑦ ᖃᐅᔨᓴᖅᐸᓪᓕᐊᕙᑉᐳᑦ ᒪᓕᓐᓂᕐᒥᒃ ᓄᓇᓯᐅᑎᑯᑖᑦ ᐊᖅᑯᑎᖏᓐᓄᑦ ᐊᑦᑕᓇᖅᑐᓕᕆᓂᕐᒧᑦ ᒪᓕᒐᕐᓂᒃ ᐊᒻᒪ ᐃᓕᖓᔪᓂᒃ ᐱᖁᔭᓂᒃ ᐊᒻᒪᓗᑦᑕᐅᖅ ᐊᐅᓚᑎᑦᑎᓂᕐᒧᑦ ᐊᑐᐊᒐᕐᓂᒃ ᐊᒻᒪ ᐊᐅᓚᐅᓯᕆᓂᖅ ᒪᓕᒃᑕᐅᔪᒃᓴᓂᒃ ᐱᒋᐊᖅᑎᑕᐅᓯᒪᔪᓂᒃ ᐊᒻᒪ ᐃᓕᖓᑎᑕᐅᔪᓂᒃ ᓄᓇᓯᐅᑎᑯᑖᓄᑦ ᐊᖅᑯᑎᓕᕆᔨᓄᑦ. 7
ᓄᓇᓯᐅᑎᑯᑖᓄᑦ ᐃᖏᕐᕋᔾᔪᑎᓄᑦ ᐊᑦᑕᓇᖅᑐᓕᕆᓂᖅ •
ᓄᓇᓯᐅᑎᑯᑖᑦ ᐊᖅᑯᑎᖏᑦ ᐊᑯᕐᖓᓃᑦᑐᑦ ᐅᔭᕋᓐᓂᐊᕐᕕᐅᑉ ᐃᓂᖓᑕ ᐊᒻᒪ ᑲᖏᖅᖢᒡᔪᐊᕐᒥ ᑐᓚᕝᕕᐅᑉ ᓇᓗᓇᐃᒃᑯᑕᖅᑖᖅᑎᑕᐅᑉᐸᑦ ᐱᔪᓐᓇᑎᐊᕐᓂᖓᓄᑦ ᑲᓇᑕᒥ ᐃᖏᕐᕋᔾᔪᑎᓕᕆᓂᕐᒧᑦ ᐱᒍᔾᔨᔨᒃᑯᓐᓄᑦ, ᑕᐃᒪ ᓕ ᒐᕙᒪᑐᖃᒃᑯᓐᓄᑦ ᐱᖁᔭᓕᐅᕈᑕᐅᓯᒪᓕᕋᔭᖅᐳᖅᑦ ᓄᓇᓯᐅᑎᑯᑖᑦ ᐊᖅᑯᑎᖏᑦ ᐊᒻᒪ ᒪᓕᒋᐊᖃᓕᕐᓗᑎᒃ ᓄᓇᓯᐅᑎᑯᑖᑦ ᐊᖅᑯᑎᖏᓐᓄᑦ ᐊᑦᑕᓇᖅᑐᓕᕆᓂᕐᒧᑦ ᒪᓕᒐᕐᒥᒃ ᐊᒻᒪ ᐃᓕᖓᔪᒥᒃ ᓄᓇᓯᐅᑎᑯᑖᒃᑯᑦ ᐊᑦᑕᓇᖅᑐᓕᕆᓂᕐᒧᑦ ᐱᖁᔭᓕᐅᕈᑎᖃᕐᓂᕐᒥᒃ ᐋᖅᑭᓱᐃᔾᔪᑎᒥᒃ.
•
ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᓂᕆᐅᑉᐳᑦ ᑕᒪᐃᑕ ᐱᓇᓱᐊᕈᒪᔫᑉ ᓄᓇᓯᐅᑎᑯᑖᑦ ᐊᖅᑯᑎᖏᓐᓄᑦ ᐃᓕᖓᔪᑦ ᓱᓕᕆᐊᒃᓴᒐᓚᐃᑦ ᒪᓕᒃᑲᔭᕆᐊᖏᑕ ᐃᓕᖓᔪᓐᓇᖅᑐᓂᒃ ᐱᖁᔭᓂᒃ, ᒪᓕᒐᕐᓂᒃ, ᐊᑐᐊᒐᕐᓂᒃ ᐊᒻᒪ ᐊᐅᓚᐅᓯᕆᓂᒃᑯᑦ ᒪᓕᒃᑕᐅᔪᒃᓴᓂᒃ ᐃᓚᒋᔭᐅᓪᓗᑎᒃ, ᐆᑦᑐᕋᐅᑎᒋᓗᒋᑦ: – ᓄᓇᓯᐅᑎᑯᑖᑦ ᐊᖅᑯᑎᖏᓐᓄᑦ ᐊᑦᑕᓇᖅᑐᓕᕆᓂᕐᒧᑦ ᐊᐅᓚᑦᑎᔾᔪᑎᓄᑦ ᐱᖁᔭᐃᑦ – ᑎᑎᕋᖅᑕᐅᑎᑕᐅᓂᖏᑦ/ᐊᖏᕈᑕᐅᓂᖏᑦ ᓈᒻᒪᒃᑐᑦ ᐊᑐᐊᒐᐃᑦ ᐊᒻᒪ ᐊᐅᓚᐅᓯᕆᓂᒃᑯᑦ ᒪᓕᒃᑕᐅᔪᒃᓴᐃᑦ 8
ᐅᓯᑲᖅᑕᖅᑕᐅᓂᖏᑦ ᐊᑦᑕᓇᖅᑐᑦ ᐱᖁᑎᑦ •
ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᔪᓐᓇᕐᓂᖃᖅᐳᑦ ᓴᖅᑭᔮᖅᑎᑦᑎᔪᓐᓇᓂᕐᒥᒃ ᑭᒃᑯᑐᐃᓐᓇᕐᓄᑦ ᐊᑦᑕᓇᖅᑐᓕᕆᓂᕐᒥᒃ ᐅᓯᑲᖅᑕᖅᑕᐅᔪᖃᖅᑎᓪᓗᒍ ᐊᑦᑕᓇᖅᑐᓂᒃ ᐱᐅᖁᑎᓂᒃ ᑕᒪᐃᑎᒍᑦ ᐃᖏᕐᕋᔾᔪᑎᒃᑯᑦ.
•
ᐅᓯᑲᖅᑕᖅᑕᐅᓂᖏᓐᓄᑦ ᐊᑦᑕᓇᖅᑐᑦ ᐱᖁᑎᑦ ᐱᖁᔭᐃᑦ ᐊᑐᓕᖅᑕᐅᓯᒪᔪᑦ ᑕᒪᐃᓐᓄᑦ ᐊᕕᑦᑐᖅᓯᒪᔪᓄᑦ, ᑐᕌᖓᕗᑦ ᐅᓗᕆᐊᓇᖅᑐᓄᑦ ᐱᕐᕈᓗᐊᕿᑦᑕᐃᓕᑎᑦᑎᓂᕐᒧᑦ ᐊᑦᑕᓇᖅᑐᑦ ᐱᐅᖁᑎᑦ ᑎᑭᑎᑕᐅᑎᓪᓗᒋᑦ, ᑲᒪᒋᔭᐅᑎᓪᓗᒋᑦ, ᐅᕝᕙᓘᓐᓃᑦ ᐅᓯᔭᐅᑎᓪᓗᒋᑦ.
•
ᐃᓚᖓ 7 ᐅᓯᑲᖅᑕᖅᑕᐅᓂᖏᓐᓄᑦ ᐊᑦᑕᓇᖅᑐᑦ ᐱᖁᑎᑦ ᒪᓕᒐᐅᑉ, 1992, ᐃᓄᒻᒥᒃ ᐅᓯᔪᒪᔪᖃᓚᐅᖅᑎᓐᓇᒍ ᐅᕝᕙᓘᓐᓃᑦ ᑎᑭᐅᔾᔨᔪᒪᔪᖃᓚᐅᖅᑎᓐᓇᒍ ᐊᑦᑕᓇᖅᑐᓂᒃ ᐱᐅᖁᑎᓂᒃ, ᑕᐃᓐᓇ ᐃᓄᒃ ᐱᖃᕆᐊᖃᖅᑎᑕᐅᓪᓗᓂ ᐊᖏᕈᑕᐅᓯᒪᔪᒥᒃ ᑐᐊᕕᕐᓇᖅᑐᓕᕆᔪᖃᖅᑎᓪᓗᒍ ᐃᑲᔪᕐᓂᕐᒧᑦ ᐸᕐᓇᒍᑎᒥᒃ.
9
ᖃᖓᑕᓲᓄᑦ ᐊᑦᑕᓇᖅᑐᓕᕆᓂᖅ • ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᑲᒪᒋᔭᖃᖅᐳᑦ ᐊᑖᓂ ᖃᖓᑕᓲᓕᕆᓂᕐᒧᑦ ᒪᓕᒐᐅᑉ, ᐱᖁᔭᖅᓕᐅᕈᑕᐅᓂᖓᓄᑦ ᖃᖓᑕᓲᓕᕆᓂᐅᑉ ᐊᒻᒪ ᐃᓱᒪᑕᐅᓂᕐᒥᒃ ᑕᒪᐃᓐᓄᑦ ᐃᓕᖓᔪᓄᑦ ᖃᖓᑕᓲᓕᕆᓂᕐᒧᑦ, ᐃᓚᒋᔭᐅᓪᓗᑎᒃ: ᖃᖓᑕᓲᒃᑯᕕᓐᓂ ᒪᓕᒃᑕᐅᔪᒃᓴᐃᑦ ᐊᒻᒪ ᓇᓗᓇᐃᒃᑯᑕᖅᑖᕐᓂᖅ ᑐᐊᕕᕐᓇᖅᑐᓂᒃ ᐱᓕᕆᐊᖃᕐᓂᕐᒧᑦ ᐸᕐᓇᒍᑎᓕᐅᕐᓂᖅ ᐆᒪᔪᓄᑦ ᐸᕐᓇᒍᑎᓕᐅᕐᓂᖅ ᐊᒻᒪ ᐊᐅᓚᑦᑎᓂᖅ • ᑕᐃᓐᓇ ᐱᓇᓱᐊᕈᒪᔪᖅ ᒫᓐᓇᒃᑯᑦ ᐊᐅᓚᑎᑦᑎᕗᖅ ᑎᑎᕋᖅᑕᐅᑎᑕᐅᓯᒪᔪᒥᒃ ᖃᖓᑕᓲᒃᑯᕕᒻᒥᒃ ᓄᓘᔮᓐᓂ, a ᑎᑎᕋᖅᑕᐅᑎᑕᐅᓯᒪᓐᖏᑦᑐᒥᒃ ᖃᖓᑕᓲᒃᑯᕕᒻᒥᒃ ᐃᐱᐅᑕᓕᐅᑉ ᓴᕖᓪᓗ ᐃᒪᖓᓂ ᐊᒻᒪ ᓴᓇᔪᒪᓪᓗᓂ ᖃᖓᑕᓲᒃᑯᕕᒻᒥᒃ ᑲᖏᖅᖢᒡᔪᐊᒥ. 10
ᓇᐃᓈᖅᓯᔾᔪᑎ ᐊᑐᓕᖁᔭᐅᔪᓂᒃ •
ᐅᓯᑲᖅᑕᕐᓂᕐᒥ ᐊᖅᑯᑎ ᐊᒻᒪ ᓈᒻᒪᑦᑎᒋᓂᖏᑦ ᐅᒥᐊᑦ ᐊᕐᕌᒍᓕᒫᖅ ᐅᓯᑲᖅᑕᕐᓂᕐᒧᑦ:
– ᑕᐃᓐᓇ ᐱᓇᓱᐊᕈᒪᔪᖅ ᐱᓕᕆᖃᑎᖃᑦᑎᐊᕐᓗᓂ ᐃᖏᕐᕋᔾᔪᑎᓕᕆᔨᒃᑯᓐᓂᒃ ᑲᓇᑕᒥ ᓯᕗᓂᖓᓂ ᑲᒪᒋᔭᓇᓱᐊᖃᕐᓗᒋᑦ ᐊᔾᔨᐅᖏᑦᑐᑦ ᐱᓇᐃᓗᑕᖏᑦ ᐅᓯᑲᖅᑕᕐᓂᒃᑯᑦ ᐊᐅᓚᑎᑕᐅᔪᒪᔪᑦ ᐊᒻᒪ ᐊᖅᑯᑎᑦ ᐅᑭᐅᖅᑕᖅᑐᒥ. – ᑕᐃᓐᓇ ᐱᓇᓱᐊᕈᒪᔪᖅ ᓇᓗᓇᐃᖅᓯᓗᓂ ᖃᓄᖅ ᐱᓇᓱᐊᖅᑐᖃᕐᓂᐊᕐᒪᖔᑦ ᐱᑕᖃᖅᑎᑦᑎᔪᖃᕋᓱᐊᕐᓗᓂ ᐃᑎᓂᕐᒥᒃ ᖃᐅᔨᓴᕐᓂᕐᒥᑦ ᑐᑭᓯᒋᐊᕈᑎᒃᓴᓂᒃ ᐅᒥᐊᓄᑦ ᐊᒻᒪ ᖃᓄᖅ ᑕᐃᒃᑯᐊ ᐃᑎᓂᕐᒥᒃ ᖃᐅᔨᓴᕐᓂᕐᒥᑦ ᑐᑭᓯᒋᐊᕈᑎᒃᓴᐃᑦ ᐊᒥᖅᑲᖅᑕᐅᔪᓐᓇᕐᒪᖔᑕ ᑲᓇᑕᒥ ᐃᒪᕐᒥᒃ ᖃᐅᔨᓴᕐᓂᕐᒧᑦ ᐱᔨᑦᑎᕋᐅᑎᓕᕆᔨᓄᑦ.
– ᑕᐃᓐᓇ ᐱᓇᓱᐊᕈᒪᔪᖅ ᖃᐅᔨᑎᑦᑎᓗᓂ, ᓈᒻᒪᒃᑐᓄᑦ ᐱᖁᔭᓕᐅᕈᑎᖃᖅᑎᓄᑦ, ᐱᔪᓐᓇᖅᓯᔪᓐᓇᓂᕐᒥᓂᒃ ᐱᖁᔭᓕᐅᕈᑎᖃᕐᓂᒃᑯᑦ ᐱᔭᕆᐊᖃᖅᑎᑕᐅᔪᓂᒃ ᓯᕗᓂᖓᓂ ᐱᒋᐊᕐᓂᖏᑕ ᐅᓯᑲᖅᑕᕐᓂᒃᑯᑦ ᓱᓕᕆᐊᖑᔪᑦ.
11
ᓇᐃᓈᖅᓯᔾᔪᑎ ᐊᑐᓕᖁᔭᐅᔪᓂᒃ •
ᐅᖅᓱᐊᓗᒻᒥᒃ ᑯᕕᑦᑕᐃᓕᑎᑦᑎᓂᖅ:
– ᑕᐃᓐᓇ ᐊᐅᓚᑎᑦᑎᔨ ᐅᖅᓱᐊᓗᓕᕆᕖᕕᓐᓂᒃ ᐊᑐᐃᓐᓇᐅᒪᔪᒃᓴᐅᕗᖅ ᐱᓕᕆᒋᐊᕐᓂᕐᒧᑦ ᒪᓕᓪᓗᒋᑦ ᐱᓕᕆᐊᖃᓲᑦ ᑎᒥᐅᔪᑦ ᐊᒻᒪ ᐅᖅᓱᐊᓗᓕᕆᕕᓐᓄᑦ ᐱᖁᔭᐃᑦ ᐊᒻᒪ ᐃᓕᖓᔪᓐᓇᖅᑐᑦ ᒪᓕᒃᑕᐅᔪᒃᓴᐃᑦ. – ᑕᐃᓐᓇ ᐱᓇᓱᐊᕈᒪᔪᖅ ᐱᓕᕆᖃᑎᖃᑦᑎᐊᖏᓐᓇᑐᒃᓴᐅᕗᖅ ᐃᖏᕐᕋᔾᔪᑎᓕᕆᔨᒃᑯᓐᓂᒃ ᑲᓇᑕᒥ ᓴᓇᕙᓪᓕᐊᓕᕈᓂ ᐸᕐᓇᒍᑎᒥᓐᓂᒃ ᖃᐅᔨᒪᓇᓱᐊᕐᓗᑎᒃ ᐅᖅᓱᐊᓗᒻᒧᑦ ᓱᕈᕐᓂᕐᒥᑦ ᑐᐊᕕᕐᓇᖅᑐᖅᑕᖃᖅᑎᓪᓗᒍ ᐸᕐᓇᒍᑎᖏᑦ ᐊᒻᒪ ᐅᖅᓱᐊᓗᓕᕆᕕᖏᑦ ᒪᓕᒃᓯᒪᒐᓗᐊᕐᒪᖔᑕ ᑲᓇᑕᒥ ᐅᓯᑲᖅᑕᕐᓂᕐᒧᑦ ᒪᓕᒐᕐᒥᒃ 2001-ᓕᓴᕐᒥᒃ ᐊᒻᒪ ᐃᓕᖓᔪᓂᒃ ᐱᖁᔭᓕᐅᕈᑎᖃᕐᓂᒃᑯᑦ ᐱᔭᕆᐊᖃᖅᑎᑕᐅᔪᓂᒃ ᐊᒻᒪ ᐅᑭᐅᖅᑕᖅᑑᑉ ᐃᒪᖏᑕ ᓱᕈᖅᑕᐃᓕᑎᑕᐅᓂᖏᓐᓄᑦ ᒪᓕᒐᕐᒥᒃ.
12
ᓇᐃᓈᖅᓯᔾᔪᑎ ᐊᑐᓕᖁᔭᐅᔪᓂᒃ • ᐅᑭᐊᓪᓕᓂᖅ ᓯᓂᒃᑕᕐᕖᑦ ᐅᒥᐊᑦ/ᐅᓯᑲᖅᑕᐅᑎᑦ: – ᐃᓄᑭᑦᑐᒦᓐᓂᑯᖓᓄᑦ ᐃᓂᖓᑕ ᐊᒻᒪ ᓂᓪᓚᓱᓲᖑᓂᑯᖓᓄᑦ ᓯᓚᖓᑕ, ᑕᐃᒃᑯᐊ ᐅᒥᐊᑦ/ᐅᓯᑲᖅᑕᐅᑦ ᐊᒻᒪ ᑕᒪᐃᑕ ᐱᓕᕆᔾᔪᑎᑦ ᐋᖅᑭᓱᖅᑕᐅᓯᒪᔭᕆᐊᖃᖅᐳᑦ ᓂᕆᐅᒋᔭᐅᔪᒧᑦ ᓯᑰᑉ ᖃᓄᐃᑦᑑᓂᐊᕆᐊᖓ ᐊᒻᒪ ᒪᓕᓪᓗᒍ ᑲᓇᑕᒥ ᐅᓯᑲᖅᑕᕐᓂᕐᒧᑦ ᒪᓕᒐᖅ 2001-ᓕᓴᖅ ᐊᒻᒪ ᐅᑭᐅᖅᑕᖅᑐᒥ ᐅᓯᑲᖅᑕᕐᓗᓂ ᓱᕈᐃᑦᑕᐃᓕᓂᕐᒧᑦ ᐱᖁᔭᐃᑦ.
13
ᓇᐃᓈᖅᓯᔾᔪᑎ ᐊᑐᓕᖁᔭᐅᔪᓂᒃ •
ᖃᖓᑕᓲᓄᑦ ᐊᑦᑕᓇᖅᑐᓕᕆᓂᖅ: – ᖃᖓᑕᓲᒃᑯᕖᑦ ᓴᓇᔭᐅᓯᒪᔪᒃᓴᐅᕗᑦ ᐱᔪᓐᓇᖅᓯᓇᓱᓪᓗᒋᑦ ᐱᔭᕆᐊᖃᖅᑎᑕᐅᔪᑦ ᒫᓐᓇᒃᑯᑦ ᑎᑎᕋᖅᑕᐅᓯᒪᔪᓃᑦᑐᑦ TP 312 ᖃᖓᑕᓲᒃᑯᕕᓐᓄᑦ ᒪᓕᒃᑕᐅᔪᒃᓴᐃᑦ ᐊᒻᒪ ᐊᑐᓕᖁᔭᐅᔪᑦ ᐱᓕᕆᔾᔪᓰᑦ. – ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐊᑐᓕᖁᔨᕗᑦ ᐱᓇᓱᐊᕈᒪᔪᖅ ᑎᑎᕋᖅᑕᐅᑎᑦᑎᖁᓪᓗᒍ ᖃᖓᑕᓲᒃᑯᕖᕕᓐᓂᒃ ᐃᐱᐅᑕᓕᐅᑉ ᓴᕖᓪᓗ ᐃᒪᖓᓃᑦᑐᒥᒃ ᐊᒻᒪ ᑲᖏᖅᖢᒡᔪᐊᕐᒥ. – ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᔪᓐᓇᕐᓂᖃᖅᐳᑦ ᖃᖓᑕᓲᑦ ᖃᖓᑕᒐᓚᖃᑦᑕᕈᓐᓇᕐᓂᖏᓐᓂᒃ ᖃᖓᑕᓲᒃᑯᑦ ᐊᐅᓚᑎᑕᐅᔪᑎᒍᑦ. ᐊᑐᐊᖅᓯᔪᑎ ᖃᖓᑕᓲᓄᑦ ᐊᖁᑎᓄᑦ ᐱᓪᓗᒋᑦ ᑎᒻᒥᐊᑦ ᐊᒻᒪ ᐆᒪᔪᑦ ᐱᑕᖃᕈᑕᐅᕗᖅ ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᑎᑎᖅᑲᖓᓐᓂ, ᖃᖓᑕᓲᓕᕆᓂᒧᑦ ᑐᑭᓯᒋᐊᕈᑎᒃᓴᓂᒃ ᖃᐅᔨᒪᔾᔪᑎ RAC ᐃᓚᖏᑦ 1.14 ᐊᒻᒪ 1.15 ᐊᒻᒪ ᐃᒻᒥᓂᒃ ᒪᓕᒐᓱᐊᕐᓂᖅ ᐊᑐᓕᖁᔭᐅᕗᖅ. 14
ᓇᐃᓈᖅᓯᔾᔪᑎ ᐊᑐᓕᖁᔭᐅᔪᓂᒃ •
ᓄᓇᓯᐅᑎᑯᑖᑦ ᐊᖅᑯᑎᖏᑦ: – ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᓂᕆᐅᑉᐳᑦ ᑕᐃᓐᓇ ᐱᓇᓱᐊᕈᒪᔪᖅ ᒪᓕᓐᓂᐊᕆᐊᖓ ᐃᓕᖓᔪᓐᓇᖅᑐᓂᒃ ᐱᖁᔭᓂᒃ (ᓄᓇᓯᐅᑎᑯᑖᑦ ᐊᖅᑯᑎᖏᓐᓄᑦ ᐊᑦᑕᓇᖅᑐᓕᕆᓂᕐᒧᑦ ᒪᓕᒐ, ᑲᓇᑕᒥ ᐃᖏᕐᕋᔾᔪᑎᓕᕆᔨᒃᑯᑦ ᐱᕐᕈᓗᐊᕿᔪᓂᒃ ᓱᖅᑯᐃᖅᓯᓇᓱᐊᕐᓂᕐᒧᑦ ᐊᒻᒪ ᐊᑦᑕᓇᖅᑐᓕᕆᓂᕐᒧᑦ ᑲᑎᒪᔨᑦ ᒪᓕᒐᖓᑦ, ᐊᓯᖏᓪᓗ) ᐊᒻᒪ ᒪᓕᒐᕐᓂᒃ, ᐊᑐᓕᕐᓂᐊᕆᐊᖏᑕ ᐊᒻᒪ/ᐅᕝᕙᓘᓐᓃᑦ ᐱᒋᐊᖅᑎᑦᑎᓇᓱᐊᕐᓂᐊᕆᖏᑕ ᓈᒻᒪᒃᑐᓂᒃ ᐊᑐᐊᒐᕐᓂᒃ ᐊᒻᒪ ᐊᐅᓚᐅᓯᕆᓂᒃᑯᑦ ᒪᓕᒃᑕᐅᔪᒃᓴᓂᒃ ᐊᒻᒪ ᖃᐅᔨᒋᐊᖃᑦᑕᕐᓂᐊᕆᐊᖏᑕ ᐃᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐊᑐᐊᒐᖏᓐᓂᒃ ᐊᒻᒪ ᖃᐅᔨᒪᔾᔪᑎᖏᓐᓂᒃ.
•
ᐅᓯᑲᖅᑕᖅᑕᐅᓂᖏᑦ ᐊᑦᑕᓇᖅᑐᑦ ᐱᖁᑎᑦ: ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᓂᕆᐅᑉᐳᑦ ᑕᐃᓐᓇ ᐱᓇᓱᐊᕈᒪᔫᑉ ᓱᓕᕆᐊᖏᑦ ᒪᓕᒃᑲᔭᕆᐊᖏᑕ ᐅᓯᑲᖅᑕᕐᓂᕐᒧᑦ ᐊᑦᑕᓇᖅᑐᓂᒃ ᐱᖁᑎᓂᒃ ᒪᓕᒐᕐᒥᒃ, 1992, ᒪᓕᒐᕐᓂᒃ, ᐊᒻᒪ ᒪᓕᒃᑕᐅᔪᒃᓴᓂᒃ ᐅᓯᑲᖅᑕᖅᑕᐅᓂᖏᓐᓄᑦ ᐊᑦᑕᓇᖅᑐᑦ ᐱᐅᖁᑎᑦ ᑕᒪᐃᑎᒍᑦ ᐃᖏᕐᕋᔾᔪᑎᒃᑯᑦ. 15
ᐃᓱᒪᑖᕆᔭᐅᔪᖅ •
ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᐃᓐᓇᕐᓂᐊᖅᐳᑦ ᓄᓇᕗᒻᒥ ᐱᕙᓪᓕᐊᑎᑦᓯᔪᒪᔪᖃᖅᑎᓪᓗᒍ ᖃᐅᔨᓴᖅᑎᐅᔪᑦ ᑲᑎᒪᔨᖏᓐᓂᒃ, ᐊᓯᖏᓐᓂᓪᓗ ᒐᕙᒪᑐᖃᒃᑯᑦ ᐊᒻᒪ ᓄᓇᕘᑉ ᒐᕙᒪᖏᑕ ᐱᒍᔾᔨᔨᖏᓐᓂᒃ, ᐱᖃᑕᐅᓯᒪᔪᓂᒃ ᐊᒻᒪ ᐱᓇᓱᐊᕈᒪᔪᒥᒃ ᐊᕙᑎᓕᕆᓂᒃᑯᑦ ᖃᐅᔨᒋᐊᒃᑲᓂᕐᓂᕐᒥ ᓄᓘᔮᓐᓂ ᐱᓕᕆᐊᖑᔪᒥᒃ.
•
ᒪᓕᒃᑐᒍ ᖃᐅᔨᒋᐊᒃᑲᓂᖅᑕᐅᓂᖓ ᑭᖑᓪᓕᖅᐹᒥ ᐊᕙᑎᐅᑉ ᐊᑦᑐᖅᑕᐅᓂᖓᓂᒃ ᓇᓗᓇᐃᖅᓯᔾᔪᑎ ᐊᒻᒪ ᐃᑲᔪᖅᓯᐅᑎᔪᑦ ᑎᑎᖅᑲᓕᐊᖑᓯᒪᔪᑦ ᐱᑕᖃᕈᑕᐅᓯᒪᒧᑦᔪᑦ ᐹᕕᓐᓛᓐ ᓴᕕᔭᕋᒃᔭᓴᓂᒃ ᐅᔭᕋᓐᓂᐊᕐᕖᑦ ᑯᐊᐳᕇᓴᓐᑯᓐᓄᑦ, ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᓇᓗᓇᐃᖅᓯᓯᒪᓐᖏᓚᑦ ᐃᓱᒫᓗᒍᑎᒋᔭᐅᔪᓂᒃ ᑐᑭᓕᐅᖅᑕᐅᓯᒪᔪᓂᒃ ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᐱᓇᓱᐊᖅᑕᒃᓴᖓᓐᓄᑦ, ᑲᔪᓯᔪᓐᓇᖏᔾᔪᑕᐅᒐᔭᖅᑐᒥᒃ ᐱᓕᕆᐊᖑᔪᒧᑦ ᐱᖁᔭᓕᐅᕈᑎᖃᕐᓂᒃᑯᑦ ᐊᖏᕈᑕᐅᓂᖓᑕ ᐃᓚᖓᓄᑦ. 16
